DIKAELO TSA TSHEDIMOSETSO TSA NAC
Tshedimosetso e e rulagantswe go go thusa mabapi le kopo ya gago ya go bona thuso ya matlole go tswa go NAC. Dikaelo tse di dirisediwa fela malebana le thuso ya matlole ya diporojeke.
Ke mang yo o Tshwanelwang ke go thusiwa ka matlole?
Batho bangwe le bangwe, ditlhopha tsa baagi, ditheo le ditlamo di ka dira kopo go thusiwa ka matlole. O ka nna wa dira kopo ya go thusiwa ka matlole mo go tse di latelang tsa botsweretshi, Thuto ya diatla, Motantsho/Khoreokerafi, Dikwalo, Mmino le tsa Teatere le Teatere ya Tiragatso, Teatere/Terama, Katiso ya methalethale le Botsweretshi jwa Pono. Mekgatlho, ditheo le ditlhopha di tshwanetse di be di kwadisitswe sentle. Badiradikopo ba tshwanetse go bo e le bagolo ba semolao gape ba le maAforika Borwa.
Batho bangwe le bangwe
Kopo ya batho bangwe le bangwe ke ya mokopi a le mongwe yo o malebana le porojeke. Ga go na batho ba bangwe ba ba tshwanetseng go thapiwa mo porojekeng e. Se se ikaelela go go thusa batho ba ba kwalang metshameko, ba tsa merero ya khereokerafi, batlhami le bataki.
Mokgatlho
Mokgatlho o kaya setheo se se kwadisitsweng se se nang le batho ba ba dirisanang.
Thuso ya matlole ya Porojeke
Tsweetswee itse gore NAC e ka se kgone go thusa tekanyetsokabo yotlhe ya porojeke ka matlole. Ka jalo o gakololwa go batla thuso e nngwe ya matlole kwa metsweding e mengwe. Ka kakaretso, thuso ya matlole e tla lebagana le mananeo a botsweretshi. Dikhotheišene tsa ditshenyegelo di tshwanetse go pata foromo ya kopo e bile bakopi BA TSHWANETSE go senola metswedi yotlhe e mengwe ya thuso ya matlole. Paka ya makisimamo ya go tsamaisa porojeke ke dikgwedi di le somepedi. Go feta bokana ka 15% jwa ditshenyegelo tsa tsamaiso bo tshwanetse go sedimosiwa. Diporojeke di thusa ka matlole gangwe mo ngwageng wa ditšhelete. Dikopo tsotlhe di tshwanetse go diriwa mo diforomong tsa semmuso tsa kopo tsa NAC. Diporojeke di tshwanetse go nna kwa atereseng e e tlhagisiwang mo foromong ya kopo. Phetolo nngwe le nngwe ya aterese e tshwanetse go lebisiwa kwa dikantorong tsa NAC mo sebakeng sa malatsi a le 7.
Diporojeke tsa loeto
Dikopo tse di mabapi le loeto di tla amogelwa fela fa loeto lo lo tshisinngwang lo na le seabe mo tshedimosetsong ya bosetšhaba ya setlamo kgotsa ya setlhopa e bile lo na le mosola mo matshelong a MaAforika Borwa ka kakaretso. Bakopi ba ba laleditsweng go diragatsa kwa moše ba tshwanetse go nna le tshegetso ya ditšhelete go tswa go naga e e amogelang baeng kgotsa mokgatlho o o amogelang baeng. Naga e e amogelang baeng/mokgatlho o o amogelang baeng o tshwanetse go romela sesupo sa go rwala maikarabelo a ditšhenyegelo di tshwana le bonno, dijo, thuso ya letsatsi le letsatsi ya madi le sepalangwa mo nageng. Tumalano ya go dira le yona e tshwanetse go pata kopo e e lebang kwa NAC. NAC e ka se amogele kopo nngwe le nngwe e e malebana le loeto lwa kwa moše fa tokomane e e kopiwang e sa neelwe. Mo mererong yotlhe NAC e ka se nne yona fela mothusi ka matlole. NAC e na le thata ya go pata bakopi botlhe mo maetong a boditšhabatšhaba.
Dibasari
Thuso ya bosetšhaba ya matlole
Go na le mefuta e mebedi ya thuso ya matlole: Thuso ya matlole ya setheo ya Boloko ya thuso ya matlole ya dithuto tsa gerata ya ntlha le thuso ya matlole ya gerata e e kwa godimo ya mongwe le mongwe.
Basari ya Ditheo
Dikopo di romelwa kwa ditlhogong tsa lefapha tsa setheo. Bontsi jwa thuso ya matlole bo neelwa thuso ya matlole ya "boloko".
Moithuti mongwe le mongwe wa gerata e e kwa godimo
Baithuti ba digerata tse di kwa godimo ba ya go thusiwa ka matlole gangwe fela, malebana le sekwalo.
Thuso ya matlole ya boditšhabatšhaba:
NAC e thusa dithuto tsa boditšhabatšhaba ka matlole tsa digerata tse di kwa tlase le tsa digerata tse di kwa godimo. Dikopo tse di ka amogelwa fa dikwalo tse di se teng mo nageng. Sesupo sa kamogelo se tshwanetse go pata dikopo. NAC ga e kitla e nna yona fela e e thusang ka matlole.
Thuso ya matlole ya ditlamo
Tona ya Bosetšhaba ya Botsweretshi le Setso e dumelela thuso ya matlole ya ditlamo tse di rileng tsa botsweretshi mo pakeng ya dingwaga tse tharo. Maikaelelo a thuso ya matlole ya ditlamo ke go thusa ditlamo tse di amegang mo botsweretshing, go bebofatsa tlhamo ya ditiro tse dintšhwa le go tlhamela batho ba ba mo botsweretshing ditiro. Thuso ya matlole e malebana le mekgatlho e e kwadisitsweng. Dikopo di lalediwa gangwe mo dingwageng dingwe le dingwe di le tharo. Mofuta o wa thuso ya matlole ke wa ditlamo tsa botsweretshi tse di nang le rekhoto. Bakopi ba ba solofelwang ba tshwanetse go nna le dikwalo tse di latelang: tshedimosetso ya setlamo, thulaganyo ya kgwebo, go akaretsa lenaneo la botsweretshi, diseteitemente tsa ditšhelete tse di runilweng, sebopego sa botsamaisi le boto.
Dikarolo tse re sa di thuseng ka matlole
Ditshenyegelo tsa tsamaiso, thuso ya matlole ya sata, mafaratlhatlha, go rekhota dikgaisano, go rekiwa ga didirisiwa tsa mmino, dikgwaere tsa dikereke, go tlhamiwa ga websaete, go tshwarwa ga websaete, tlhamo ya ka fa gare, boagi, tsamaiso ya ditiragalo, bathusi le ditlhopha tsa maikaelelo a a rileng.
Kobamelo ya tsamaiso
Bakopi ba kopiwa go romela ditokomane tsotlhe tse di kopiwang le dikopo tsa bona. Dikopo tse di fekesitsweng, tse di sa saeniwang, tse di rometsweng ka imeili le tse di sa tladiwang sentle ga di kitla di amogelwa. Dikopo tse di sa tladiwang sentle ga di kitla di amogelwa.
Matlha a bofelo a dikopo
Matlha a bofelo a dikopo a phasaladitswe mo makwalodikgang a magolo a bosetšhaba le mo websaeteng ya NAC. Dikopo tse di thari le tse di sa tladiwang sentle ga di kitla di amogelwa fela di ya go diegisiwa go kopano e e latelang ya thuso ya matlole. NAC e na le thata ya go amogela /go se amogele kopo.
Dithata: NAC e na thata ya go neela matlole go ya ka dithulaganyo tsa lenaneo la NAC. Se ga se gatake dithata tsa molaotheo tsa bakopi bangwe le bangwe. Ga go na mokopi yo ka tlhamalalo a tshwanelwang ke thuso ya matlole; thuso yotlhe ya matlole e mo maatleng a NAC.
Dipotso le Tshedimosetso
